Қазақстан Республикасы Ұлттық ұланының академиясы 2025 жылғы 14 наурызда «Қазақстанның әскери қауіпсіздігін оқыту контекстінде әскери білім беруді дамыту» тақырыбында VІІ Халықаралық ғылыми-практикалық конференция өткізеді.
Арнайы және әскери білім беру, кадрларды даярлау, қайта даярлау және біліктілігін арттыру жүйесіндегі өзекті мәселелерін қарау барысында Ұлттық ұлан Бас қолбасшысының орынбасары генерал-майор Б.С. Әбжанов, Ұлттық ұланны Өңірлік қолбасшылқтарының, құрамалармен әскери бөлімдердің жауынгерлік даярлық офицерлері, Қазақстан Республикасының Ұлттық қорғаныс университеті Ұлттық ұлан факультетінің профессор-оқытушылар құрамы қатысады.
Конференция жұмысына Ресей Федерациясы Ұлттық ұлан әскерлері Новосібір әскери институтының, армия генералы А.В. Хрулев атындағы материалдық-техникалық қамтамасыз ету әскери академиясы, Беларусь Республикасының Әскери академиясы, Борис Ельцин атындағы Орал федералды университеті, Шракбек Қабылбаев атындағы Қазақстан Республикасы Ішкі істер министрлігінің Қостанай академиясы, Қазақстан Республикасы Қорғаныс министрлігінің Құрлық әскерлерінің Әскери институты, Қазақстан Республикасы Ұлттық қауіпсіздік комитетінің Шекара академиясы, Қазақстан Республикасы Қорғаныс министрлігінің Радиоэлектроника және байланыс Әскери-инженерлік институты, Манаш Қозыбаев атындағы Солтүстік Қазақстан университетінің ғалымдар, жоғары оқу орындарының оқытушылары, түрлі әскери және күш құрылымдарының офицерлері, сондай-ақ докторанттар, аспиранттар және магистранттар катысуда.
Конференция жұмысы барысында әскери білім беру жүйесінің проблемаларын талқылау жоспарлануда, бұл әсіресе әскери қызметшілер шешетін кәсіби міндеттердің күрделенуі кезінде өзекті болып табылады және кәсіби қызметті құзыретті жүзеге асыруға қабілетті жаңа формациядағы офицерді даярлаумен байланысты.
Жоғары әскери білім беру жүйесін дамыту проблемасы мемлекет саясатының маңызды басымдықтарының бірі ретінде көрінеді. Қазіргі кезеңде әскери маманға жоғары кәсіби талаптар қойылады. Бұл ретте, ең алдымен, әлемдік қоғамдастық дамуының барабар үрдістері бар қазіргі қазақстандық қоғамның өзгермелі шындықтарына негізгі бейімделуді білдіретін жеке және кәсіби бағдарларды қалыптастыру қажеттілігі туралы сөз болып отыр.
Конференцияға қатысушылар мәлімдеген пікірлер мен ұсыныстар, сұраныстар мен қажеттіліктер әскери қауіпсіздікті қамтамасыз етудің маңызды факторы ретінде әскери білім беру саласындағы ұзақ мерзімді жұмыстың басқарушы нүктелеріне айналатыны сөзсіз.