Әскери педагогика және психология кафедрасы

Қазақстан Республикасы ІІМ Ішкі әскерлерінің әскери училищесі (қазіргі Қазақстан Республикасы Ұлттық ұланының академиясы) құрылған күннен бастап 1997 жылы кафедра қоғамдық ғылымдар кафедрасы деп аталды және кейбір ұйымдастырушылық-штаттық өзгерістер енгізу нәтижесінде 2007 жылы әскери-педагогикалық және қоғамдық ғылымдар кафедрасы, ал 2012 жылы әскери педагогика және психология кафедрасы болып өзгертілді.

Әскери педагогика және психология кафедрасы барлық мамандықтар бойынша білім алатын білім алушыларда жалпы білім беретін білімді қалыптастыруға, Отан қорғау және мемлекеттің ішкі қауіпсіздігін қамтамасыз ету бойынша жүктелген міндеттерді саналы және жауапкершілікпен орындайтын офицер-азаматтың, патриот пен кәсіпқойдың жеке басын дамытуға арналған.

Кафедраның міндеті білім алушылардың жеке құраммен жұмыс жасаудағы психологиялық-педагогикалық қызметінің практикалық дағдыларын дамыту; Болашақ офицердің негізгі қасиеттерін тәрбиелеу: жеке (моральдық, моральдық-жауынгерлік), дүниетанымдық, ұйымдастырушылық, әскери-арнайы, әскери-педагогикалық; білім алушыларды қазақстандық қоғамда жалпы қабылданған мінез-құлық нормалары мен қағидаларына, идеялары мен дәстүрлеріне тарту; әскери басшының кәсіби сенімділігі мен моральдық-ерік қасиеттерін, тәрбие жұмысын ұйымдастырудың білімі мен әдістемелік дағдыларын қалыптастыру болып табылады.

2022 жылдан бастап кафедраны полковник Серов Игорь Александрович басқарады. Кафедра оның басшылығымен құқық тәртібі әскерлерінің жоғары кәсіби офицер-мамандарын даярлауға бағытталған оқу, әдістемелік, ғылыми тапсырмаларды табысты орындауды жалғастыруда.

Кафедрада оқытылатын пәндер: Педагогика», «Психология», «Әскери педагогика», «Әскери психология», «Жалпы психология», «Психология тарихы», «Психофизиология», «Тулға психологиясы», «Тәрбие және әлеуметтік-құқықтық жұмыс», «Әскерлерде психологиялық жұмысты ұйымдастыру», «Экстремалдық кәсіптер мен жағдайлар психологиясы», «Ақпараттық-тәрбие және мәдени-бос уақыт жұмысы», «Әлеуметтік-құқықтық жұмыс», «ҚЖМ қамтамасыз ету бойынша тәрбие және әлеуметтік-құқықтық жұмыс», «Журналистика негіздері», «Елбасының мұрасы».
1997 жылдан бастап кафедраны полковниктер В.М. Орлов, Ш.К. Алтынбеков, Ю.А. Лопатин, Ж.К. Ташибаев, А.Г. Кухарев, Д.Ш. Елжанов, Б.Т. Қожахметов, О.Ж. Сейтбеков басқарды.

Бүгінгі таңда кафедра ұжымы 100% — ға әскерлердің әскер органдарында әртүрлі лауазымдарда қызмет өткеруде және үлкен кәсіби жұмыс тәжірибесі бар білікті мамандармен жасақталған, олардың арасында ғылым докторлары, аспиранттар, магистрлер бар. Олар: полковник Смағұлов Болат Советұлы, подполковниктер Малдыбаев Қуандық Бекбаулұлы, Тастанбеков Рустам Булатович және запастағы полковник Митяев Александр Ильич Академия құрылған күннен бастап білім алушыларға өз білімін беруді жалғастырып келеді және әскери ғалымдардың жас буынына үлгі болып табылады. Көптеген жылдар бойы Александр Ильич Академияның «Жылдың үздік оқытушысы» байқау-конкурсында озық орындарды иеленді.

Кафедраның профессорлық-оқытушылық құрамы соңғы жылдары Академияның барлық кафедралары арасында оқу, әдістемелік және ғылыми қызметте жоғары нәтижелер көрсетіп келеді, бұған үздік оқу және оқу-әдістемелік әдебиет, үздік электрондық кітапхана және Академияның аудиториясы атағына байқау-конкурстарда 1 орын алғаны дәлел бола алады.

Оқу процесін жетілдіру мақсатында кафедрада бірінші кезекте бейне, компьютерлік техника және ақпаратты өңдеу мен берудің басқа да заманауи құралдарын енгізуге негізделген оқытудың жаңа технологиялары меңгеріледі. Кафедрада 10-нан астам электронды оқулықтар мен 40-тан астам бейнесабақтар әзірленді, олар жоғары білімді және білікті мамандарды дайындауда қолданыс тапты.

Кафедрада әскер қызметінің өзекті мәселелері, оқу орнында оқу-тәрбие процесін ұйымдастыру бойынша дәстүрлі ғылыми-теориялық (практикалық) семинарлар мен конференциялар өткізу жалғасуда.

Кафедра офицерлері ұлттық қауіпсіздікті қамтамасыз ету және білім беруді дамыту саласындағы Халықаралық ғылыми конференцияларға белсенді қатысады. Білім алушылардың әскери-ғылыми үйірмесінің жұмысы шеңберінде кафедра оқытушыларының жетекшілігімен білім алушылар жыл сайын өткізілетін республикалық ғылыми жобалар конкурстарында, сондай-ақ әртүрлі қалалық, облыстық мәнерлеп оқу конкурстарында, эсселерде жүлделі орындарға ие болады, М. Қозыбаев атыңдағы СҚУ ұйымдастырған ғылыми-практикалық семинарлардың қатысушылары болып табылады.

Өткен кезеңде кафедрада әскерлердегі қызмет үшін тәрбие және әлеуметтік-құқықтық жұмыстың 450-дан астам маманы шығарылды, олардың көпшілігі Қазақстан Республикасы Ұлттық ұланының батальондарының, полктерінің және құрамаларының басшы буыны лауазымдарын атқарып келеді.

Кафедраның одан әрі дамуы оқу-тәрбие үдерісінде де, оның оқу-материалдық базасын жетілдіру бағытында да жүзеге асырылады. Аудиториялар оқыту мен тәрбиелеудің заманауи техникалық құралдарымен жабдықталған. Әдістемелік кабинетте кафедраның профессорлық-оқытушылық құрамы шығарған әдебиеттері бар сөрелер жабдықталған. Психологиялық жұмыс сыныбы бар.

 

Добавить комментарий